تتضمن معطيات مثيرة حول الساعات الأخيرة للثورة بقصر قرطاج «الصباح» تنشر مستخرجات من المكالمات الهاتفية بجهاز التسجيل للأمن الرئاسي - الصباح | Assabah
المـــؤســـس : الحــبـيـب شــيـخ روحه - الخميس 20 سبتمبر 2018

تابعونا على

Sep.
21
2018

خاص

تتضمن معطيات مثيرة حول الساعات الأخيرة للثورة بقصر قرطاج «الصباح» تنشر مستخرجات من المكالمات الهاتفية بجهاز التسجيل للأمن الرئاسي

السبت 22 مارس 2014
نسخة للطباعة
◄ هذا ما قاله المخلوع لحظات قبل الهروب ◄ السرياطي أعطى التعليمات بإطلاق النار على المساجين بحضور الجنرال عمار

 

مازال الغموض يكتنف الساعات الأخيرة ليوم 14 جانفي 2011 وما حصل فيها من تطورات خاصة داخل قصر قرطاج وكيف عجلت بهروب الرئيس المخلوع؛اضافة الى الدور الذي لعبه علي السرياطي، الرجل القوي، في القصر اثناء احداث الثورة، وهل كان فعلا يسيطر على مفاصل الدولة وخاصة على جهازي الامن الرئاسي والامن الداخلي.
وفي محاولة لفك هذا اللغز اوالتوصل الى معطيات قد توضح ما حصل داخل القصر الرئاسي في الأيام الاخيرة لحكم المخلوع  تحصلت"الصباح" على مقتطفات من مستخرجات نصية للتسجيلات الصوتية لأيام الحسم وهي 9 و13 و14 جانفي 2011 بجهاز التسجيل" ATIS" التابع للأمن الرئاسي ؛  وكان محور جل اوأهم هذه المكالمات المدير العام الأسبق للأمن الرئاسي علي السرياطي الذي يظهر فيها وهويبحث عن معلومات او عن إجابات لما يحصل في الشارع التونسي وخاصة في المناطق الساخنة وأهمها القصرين؛وينسق لكشف ما يحدُث في العاصمة من الفضاء وايضاً لتهريب المخلوع ومن قبله بلحسن الطرابلسي وعائلته وتحضير جوازات سفر عدد من الطرابلسية وإسداء تعليمات وصلت حدّ إطلاق الرصاص على سجناء برج الرومي!!
واليكم اهم المستخرجات النصية لأهم التسجيلات الصوتية   بجهازالتسجيل(ATIS) التابع للأمن الرئاسي.

 

مكالمة هاتفية بين محافظ شرطة اول أنيس العكاري والمديرالعام علي السرياطي(9 جانفي 2011 الساعة:06:36-06:37)
 1ـ عون الموزّع: احتراماتي سيدي
2 ـ علي السرياطي: oui
3ـ عون الموزع: سيدي معايا ضابط الاستمرار سي أنيس العكاري
4ـ علي السرياطي: واضح
5ـ العون الموزع: تفضّل سيد المدير العام
6 ـ علي السرياطي: oui
7ـ انيس العكاري: احتراماتي سيد المدير العام
8ـ علي السرياطي: أهلا
9ـ انيس العكاري: محافظ شرطة أول انيس العكاري ضابط الاستمرار سيدي
10ـ علي السرياطي: أهلا
11ـ انيس العكاري: حبيت نعلم سيادتكم الى حصة الاستمرار مرّت في ظروف عادية... سجلنا خلالها سيدي مع 8 و7 تعرض.. تعرض العريف أول علي العبيدي... هذايا تابع لمقر خليج الملائكة لحادث مرور بجهة المكنين ما اسفرش على اضرار بدنية كبيرة.. تم توجيهُو للمستشفى وإسعافو.. وكذلك مع 3 ونصّ تعرض العريف مكرم بريك هذايا تابع لمقر بيت الخير وهو راجع من سوسة على مستوى النفيضة لعملية سلب براكاج من مجموعة من شبان بالكرهبة ضيّع فيها شطوشو و470 دينارا
12ـ علي السرياطي: إمم
13 ـ أنيس العكاري: بالنسبة للإعلام سيدي.. فمّا الجزيرة وFrance 24 ليوم الصباح علمُو علّي فمّا عدد القتلى تجاوز 5 قتلى.
14ـ علي السرياطي: إمم
15ـ انيس العكاري: البارح في المواجهات في القصرين...
 16ـ علي السرياطي: إمم
17ـ أنيس العكاري: هذايا هو سيدي بالنسبة لحصة الاستمرار
18 ـ علي السرياطي: très bien
19ـ انيس العكاري: تفضلو سيدي
20ـ علي السرياطي: داكُور
 21ـ انيس العكاري: تفضّلو.. سيدي تفضّلو تفضّلو

مكالمة هاتفية بين رضوان والمدير العام علي السرياطي وعون الموزع: (9 جانفي 2011 الساعة 09:06-09:10)
1 ـ رضوان: oui
2ـ عون الموزع: اه سي رضوان
3ـ رضوان: أهلا بيك
4ـ عون الموزع: أيا تشوف السيد المدير العام
5ـ رضوان: أيا نشوف
6ـ عون الموزع: أيا تفضل
7ـ رضوان: ألو
 8ـ السرياطي: أهلا سي رضوان
 9ـ رضوان: احتراماتي سيد المدير العام
 10ـ السرياطي: أهلا.. انت ماك محاذي المنطقة
11ـ رضوان: أي نعم
12 ـ السرياطي: باهي باللاهي.. c'est pour comprendre شنوّه la motivation متاع العباد هذُما هكا شنوّه المشكل
13ـ رضوان: الأسباب يعني..
14 ـ السرياطي: شنوّه الأسباب معناها.. ?Quel est le problème باش نفهمُو شنيّه الحكاية ، خاطر موش واضح توّه.....تعرف إليّ في القصرين دخلو على ديار متاعْ عبادْ
15ـ رضوان: قالو حتى كراهب متاع مواطنين كسّرُوهم بحْذا المحطة
 16ـ السرياطي: أي..
 17ـ رضوان: ودخلو لبرشا بلايص
 18ـ السرياطي: لا دخلو خلعو باب متاع دارالتجهيز وطلعولو للدار.. ولاخر مانعرفش شنوّه طلعوأ زادا كسّسمو هرب وعايلتو.... يبكي مسكين ....الراجل يبكي هو ومرتوُ واولادُو كان موشْ خلط عليه البولسيّة باش منعوهمْ
19ـ رضوان: والله همج، والله همج..
20 ـ السرياطي: أي لكن هذايا باش يدخلو على ديار الناس ولا كذا توّا بالله Bon.... ils attaquent البلدية والمركز ولا حاجة bon قول هذاكا يمثلو...
21ـ رضوان: مرافق عمومية
22ـ السرياطي: اما هذا يُدخلُو لدار الناس
23ـ رضوان: كراهب خواصّ قالولي.. كراهب خواص برشا في القصرين
 24ـ السرياطي: ايه ..ايه وعلاه
 25ـ رضوان: ايه
 26ـ السرياطي: انحبّو نفهمُو.. احنا نحبّو نفهمُو إشنُوّه باش ترصّي توّه غادي؟؟
27ـ رضوان: //...كلام غير واضح...//
28 ـ السرياطي: Voilà pour comprendre أشنوه ألـ Motivation qu'est ce qu'ils motivent هال العباد هذُوما توّا باش يهجم الإنسان على الكرتوش وإلا للدرجة هاذي آشنوه ياخي  Drogués ياخي ما فهمتش شنوّه..
29ـ رضوان: موش عادي... ايه موش عادي.. البارح نحكي مع صحفي تابع لمنظم متاع (.. ) في القصرين
30ـ السرياطي: أي..اي
31ـ رضوان: قالي زادة الاشكالية اللي قاعدة مهيّجة لحكاية قالك يوميّا هوهكا جريدة (...) والبقية
 32ـ السرياطي: أي
33 ـ رضوان: قاعدة لعباد غادي تشوف قداش من مليار تتصب لسيدي بوزيد et extrat فما عباد قالك ولات يوميا.. أصبحوغادي هاذي يعني يعمل في comparaison مع سيدي بوزيد اللي تقولي مواطنين سيد المديرالعام
34ـ السرياطي: أي
35ـ رضوان: قالي يوميا متاع(...) وكذلك.. اكثر جريدة يقراو فيها في القصرين
36ـ السرياطي: أي
37ـ رضوان: (...)..
38ـ السرياطي: لكن هاهم حاطين يعيشك .. 62 الف مليار باش يتصبّو بين ولايات القصرين وقفصة والكاف شنوّا..
 39ـ رضوان: ماوُالموجود توّا سيد المدير العام في الجرايد قاعد الكلها على ذمة سيدي بوزيد هاو معمل الكابل قالك كذا.. كذا هاو 450 مليارا... ما نعرف اش شنوا يعني موجها الكلها ما قالوش موجها لهاك الولايات هذيكا..
 40ـ السرياطي: ايه
 41ـ رضوان: المجاورة لولاية سيدي بوزيد
 42ـ السرياطي: زيد ثبت بلاهي فماش..
43ـ رضوان: هاتوا نزيد نراجع سيادتكم
 44ـ السرياطي: داكوردُو
45ـ رضوان: تفضل الله يبارك
46 ـ السرياطي: merci واشنوة حكاية تالة.. أشنيا مشكلتها
47ـ رضوان: غريبة والله غريبة فيها برشة سيد المدير العام فيها برشة حكاية الزطلة حكاية البطالة
 48ـ السرياطي: شوف عندكشي اشكون تعرف غادي باش نفهمُو.. نحبّو نفهمو اشنوه الموضوع بالضبط
49ـ رضوان: واضح واضح
50 ـ السرياطي: ما فهمتش أشنيا ألـ motivation أشنوه qu'est ce  qui peut    les       arreter   ..
أشنوه باش الناس تهدا الخواطر وآشنوه المطلوب باش تهدأ الخواطر شنوه المطلوب مثلا...
51ـ رضوان: افهمتك أي
52ـ السرياطي: خاطر الحكاية في فريانة...فريانة يقول القايل... اشنوّه تي الكلها ترافيك... مذهب بوهم ....هاو شايخين الكلهم ممممم مالتهريب
53ـ رضوان: حتى ليسونس والكنترا الكل عندهم
 54ـ السرياطي: الكل عندهم هوما شايخين فيها انتوما امخلينهم او ساكتين عليهم.. توّه لاخر اشسمها هذيكا بجنب ما بين فريانة والقصرين
55ـ رضوان: وتالة
 56ـ السرياطي: أي شنوة..تي غريبة
 57ـ رضوان: سبيطلة يقول القايل.. اشبيها سبيطلة
 59ـ رضوان: امم
60ـ السرياطي: مافهمتش
61 ـ رضوان: منطقة سياحية comme quoi
62ـ السرياطي: أي تبارك الله عندهم السياحة وعندهم كل شيء اشنوه اللي تحب.. غريبة تقعد حاير.. ما فهمتش اشنيا المشكلة..غريبة ياخي...
63ـ رضوان: تحس فما حاجة
64ـ السرياطي: فما حاجات ماهيش عادية
65ـ رضوان: ماهيش عاديه ايه ماهيش عادية وهذايا راكبة عليها تلامذة اما التلامذة ها النهارين هذوما يحكولي //كلام غير واضح//
66 ـ السرياطي: واضح.. ok ok
67ـ رضوان: الله يبارك واضح ...السرياطي يتلقى مكالمة أخرى فقطع الاتصال برضوان...
 
مكالمة هاتفية بين الجنرالين السرياطي والعجيمي: (13 جانفي 2011 الساعة 7:48)
1 ـ عون الدفاع: الدفاع اتفضل
2 ـ عون الرئاسة: صباح الخير الدفاع، قرطاج الرئاسة معاك، لا باس عليكم
3 ـ عون الدفاع: صباح الخير.. مرحبا
4 ـ عون الرئاسة: الجنرال العجيمي، بالله
5 ـ عون الدفاع: آش كون طالبُو
6 ـ عون الرئاسة: الجنرال السرياطي
7 ـ الجنرال العجيمي: ألو
8 ـ عون الرئاسة: مون جنرال احتراماتي مرحبا
9 ـ الجنرال العجيمي: oui صباح الخير مرحبا
10 ـ عون الرئاسة: طالبك السيد المدير العام
11 ـ الجنرال العجيمي: اتفضلو اتفضلو مرحبا
12 ـ عون الرئاسة: مون جنرال اتفضلو
13 ـ الجنرال العجيمي: مون جنرال
14 ـ الجنرال السرياطي: أهلا مون جنرال... صباح النور
15 ـ الجنرال العجيمي: احتراماتي
16 ـ الجنرال السرياطي: أشنوا احوالك ؟ ça va
17 ـ الجنرال العجيمي: لاباس... اعيّشك
18 ـ الجنرال السرياطي: الحمد الله... شوف كان اتحضرولنا هيليكوبتار في العوينة .
19 ـ الجنرال العجيمي: اييه
20 ـ الجنرال السرياطي: Pour faire l 'observation pour la capitale اليوم
21 ـ الجنرال العجيمي: حاضر
22 ـ الجنرال السرياطي: اهه
23 ـ الجنرال العجيمي: حاضر... حاضر باش
24 ـ الجنرال السرياطي: Le temps نبعثو أحنا ضابط كيلعادة باش يعمل هكا الـ visionage
25 ـ الجنرال العجيمي: حاضر حاضر باش
26 ـ الجنرال السرياطي: باش يعمل Aérienne reconnaissance كيما نحكيوها..
27 ـ الجنرال العجيمي: حاضر
28 ـ الجنرال السرياطي: reconnaissance مراقبة جوية هامه..
29 ـ الجنرال العجيمي: حاضر
30 ـ الجنرال السرياطي: الفوق حضر 2 إليكوبتار باش وحدا كي لعادة امتاعنا
31 ـ الجنرال العجيمي: حاضرين حاضرين
32 ـ الجنرال السرياطي: يعطيك الصحة Bonne journée merci، يعيّش خويا
33 ـ الجنرال العجيمي: حاضر
 
مكالمة هاتفية بين توفيق القاسمي ومقدم من الأمن الرئاسي: (14 جانفي 2011 الساعة 13:16)
1 ـ المقدم: oui ألو
2 ـ توفيق: القاسمي: mon colonel
3 ـ المقدم: أه سيدي
4 ـ توفيق القاسمي: توفيق القاسمي من الرئاسة
5 ـ المقدم: أهلا خويا ça va
6 ـ توفيق القاسمي: ça va لاباس
7 ـ المقدم: وين توّا
8 ـ توفيق القاسمي: الحمد لله آش نحوالك.. حبيت نشوف معاك.. مع شكون انجمُو انّسقو باش نعطُوهم لـ mission.. آك bombe لكريمُوجان
9 ـ المقدم: لجمعتنا غادي
10 ـ توفيق القاسمي: آه للتدخل لوحدات التدخل
11 ـ المقدم: باهي خويا أتوانكلمك شكون يطلبك يا توفيق
12 ـ توفيق القاسمي: فيسع كان لزم كلموا جينا لقرطاج إهزّهم
13 ـ المقدم: باهي هاتو نشوفلك دكوردُو
14 ـ توفيق القاسمي: فيسع وكلمني اسمع بورطابلويا 98..
15 ـ المقدم: 98
16 ـ توفيق القاسمي:......
17 ـ المقدم: باهي
 
مكالمة هاتفية بين الجنرال السرياطي وعدنان من المحتمل / العقيد عدنان الحطاب/:(14 جانفي 2011 الساعة 13:35)
 1-العون: مرحبا سي عدنان
2 ـ عدنان: oui
3 -العون: سيد المدير العام
 4 -عدنان: هات
5 -العون: اتفضلو
 6 -الجنرال علي السرياطي: ألو
7 -عدنان: احتراماتي سيد المدير العام
8-الجنرال علي السرياطي : انت وين
 9-عدنان: في دوائر المقر
 10-الجنرال السرياطي: كمّل ويجا بحذايا عيّش خويا، إيجا بحذايا

مكالمة هاتفية بين عون قاعة بقصر الرئاسة ـ ونور الدين الشعباني من المحتمل المدير العام للسجون والاصلاح: (14 جانفي 2011 من الساعة 13:43 الى الساعة 13:45)
1 -العون: ألو
2 ـ نور الدين الشعباني: oui
3 -العون: مرحبا
4 - نور الدين الشعباني: المدير العام بالله
5 -العون: أشكون
6 -نور الدين الشعباني: نورالدين الشعباني
7 -العون: لحظة سي نورالدين لحظة معايا
1 -عون القاعة: ألو هو معاك
 2 - علي السرياطي: ألو
 3-نورالدين الشعباني: احتراماتي سيد المدير العام
4 -علي السرياطي: اتفضل
 5 -نورالدين الشعباني: عندي برج الرومي متحرّك
 6 -علي السرياطي: برج الرومي متحرّك
 7 -نورالدين الشعباني: أيه
8 -علي السرياطي: ادقيقة او معايا الجنرال عمار، دقيقة هاو بحذايا... قالك برج الرّومي اتحرك مُون جنرال... نور الدين الشعباني
9 -نورالدين الشعباني: نقبُو الحيط وخرجُو لسيمون ديرون
10 -علي السرياطي: نعم
11 -نورالدين الشعباني: نقبو الحيط ويخرجو لسيمون ديرون للباريار
 12 - علي السرياطي: نقبُو الحيط ويخرجوا لشنوّا؟
 13 - نورالدين الشعباني: وين الحيط البرّاني
 14 -علي السرياطي: وين الحيط البراني مزالت كان الوحدة باش يخرجُو منها، عندكشي حاجة غادي قريب برج الرومي... أه مُون جنرال.... أه ببنزرت.. ببرج الرومي ببنزرت
15 - نور الدين الشعباني: إيه
16 ـ علي السرياطي: نبعثو طرف جيش غادي... برج الرومي قالك نقبو الحيط.. قالك متاع الوحدة من اللاّرية ويخرجو توّا في هاك الباب.. وين آكا 2 ترانش عرفتهم وين 2 séparations
17- نورالدين الشعباني: تحت الحيط الباراني
18- علي السرياطي: اتنجمشي عندكشي حاجة تبعث حاجة هكة
19 ـ نورالدين الشعباني: oui
20 ـ علي السرياطي: اه هذاك وحدو الي عندو بلاندي هاني قتلك قالك ok يا شعباني هاني باش انشوف.. شد جماعتك يهديك كلمتش المنطقة.. مدير الإقليم
21 - نورالدين الشعباني: معندُوش معندُوش امكانيات... ما عندُو حد جاب 15 حرس
22 -علي السرياطي: عندك 15 حرس غادي إيه باهي، عندك سلاحك
 23- نورالدين الشعباني: عندي سلاح
24 ـ علي السرياطي: il faut tirer tirer.. اللعب لا.. أكهو il faut tirer tirer اقتل واحد ولا 2.. هاتوه ايشدو بقايعهم.. اضرب على الساقين موش بالرفال coup par coup.. أكهو..
25 ـ نور الدين الشعباني: الاّهي بارك
 
مكالمة هاتفية بين الجنرال علي السرياطي وزهير البياتي، من المحتمل محافظ مطار تونس قرطاج: (14 جانفي 2011 الساعة 13:53-13:53)
1 -إطار بالقاعة: ألو
 2 -زهير البياتي: مرحبا عرفي الباهي
3 -إطار بالقاعة: مرحبا
 4 -زهير البياتي: احتراماتي السيد المدير العام
5 - علي السرياطي: أه بياتي أه زهير
6 - زهير البياتي: أه نعم
7 ـ علي السرياطي: شوف فماشي طيارة غديك توا طيارة départ أي destination ما يهمش آي فم أش عندك
8 - زهير: نشوف نشوف ونرجعلك سيد المدير العام
 9-علي السرياطي: شوف تراه وقولي
10 ـ زهير: شنوا destination للطيارة
11 - علي السرياطي: لا... لا ...على خاطر بلحسن باش يخرج مايهمش
 12 -زهير: واضح واضح
13 ـ علي السرياطي: ok  فيسع
 
مكالمة هاتفية بين الجنرال علي السرياطي وزهير البياتي، من المحتمل محافظ مطار تونس قرطاج:(14 جانفي 2011 الساعة 13:55-13:57)
1 -عون الرئاسة: مرحبا سي زهير
2 ـ زهير: oui
3 ـ العون: سيدي المدير العام.. تفضل هاو معاك
4 ـ علي السرياطي: oui
5 ـ زهير: فما départs 4 peut  étre ليون تµا  تخرج 14:15
6 ـ علي السرياطي: ما عادش توّ 14:15 معادش يخلط
7 ـ زهير: ماعادش يخلط وميلانو 14:12
8 ـ علي السرياطي: 14:10 آش عنا فيها
9 ـ زهير: فما 17:00 Venise
10 ـ علي السرياطي: آه لا لا توا توا
11 ـ زهير: لا توا هذوما ما يخلطش عليهم
12 ـ علي السرياطي: ما يخلطش عليهم ما فمّا حتى حاجة أخرى؟
13 ـ زهير: هذوما هُوما
14 ـ علي السرياطي: Venise 17:00 أكهو
15 ـ زهير: فما 19:25- - 724
16 ـ علي السرياطي: لا لا أهه 17:00 Venise أكهو c'est tout ce qu'il y a-
17 ـ زهير: هذوما هوما اللي موجودين
18 ـ علي السرياطي: لخرى 14.15 تمشيها وللا
19 ـ زهير: هذوما 14.15 مازالت موجودة لهنا
20 ـ علي السرياطي: مانجمُوش انعطلوها شويّ: معبيا فيها عبـــــــاد
21 ـ زهير: باهي انجمو نلقاو بلاصة
22 ـ علي السرياطي: لا non مش بلاصة يلزم 3 أو 4 بلاص علقليلة، شوف تراه عطلها شويّا ربع ساعة
23 ـ زهير: واضح
24 ـ علي السرياطي: شوف تراه وقولولي فيسع d'accord

 

مكالمة هاتفية بين علي السرياطي وزهير البياتي، من المحتمل محافظ مطار تونس قرطاج: (14 جانفي 2011 الساعة 14:09-14:10)
1 ـ زهير: ألو
2 ـ السرياطي: آه
3 ـ زهير: هما قداش من بلاصة
4 ـ السرياطي: تي هو ومرتو وولادو
5 ـ زهير: ولادو منعرفش 7 معناها
6 ـ السرياطي: إيه Donc فما عندك 7
7 ـ زهير: إمم انشوفلك
8 ـ السرياطي: pourquoi pour qu'elle destination هذيا
9 ـ زهير: ليون
10 ـ السرياطي: ليون باهي
11 ـ زهير: انجم نعطلها شويا
12 ـ السرياطي: إه ايه ايه خنقولو يمشي ايجيك توّا
13 ـ زهير: خلي إيجي
14 ـ السرياطي: باهي (في الأثناء تلقى مكالمة هاتفية وقال: oui madame)

 مكالمة هاتفية بين السرياطي ونور الدين الشعباني من المحتمل المدير العام للسجون والإصلاح: (14 جانفي 2011 الساعة14:27-1429)
1 ـ العون: الو
2 ـ نورالدين الشعباني: oui
3 ـ العون: مرحبا
4 ـ نورالدين الشعباني: نور الدين الشعباني معاك
5 ـ العون: لاباس
6 ـ نور الدين الشعباني: أهلا بخويا
7 ـ العون: مرحبا سي نور الدين
8 ـ نور الدين الشعباني: تعدّلي المدير العام
9 ـ العون: إيه تفضل لحظة بركة
10 ـ نور الدين الشعباني: ألو
11 ـ السرياطي: اه نور الدين
12 ـ نور الدين الشعباني: احتراماتي عندي برشا فروخ متقويّين خرجُوا من شنابرهم
13 ـ السرياطي: ياخي وين
14 ـ نور الدين الشعباني: هنا امحاصرينهم
15 ـ السرياطي: ام حاصرهم يهديكم.. احنا عنا مشاكل كبيرة في البلاد في العاصمة مهرُودة هاي مهرُودة
16 ـ نور الدين الشعباني: ربّي يستر
17 ـ السرياطي: ربّي يستر وكّهُُو
18 ـ نور الدين الشعباني: هنا انتبعُو وكهُو
 

مكالمة بين الجنرالين السرياطي والعجيمي:(14 جانفي 2011 الساعة 15:48-15:49)
1 ـ علي السرياطي: oui
2ـ عون موزع الهاتف: سيدي الجنرال العجيمي
3 ـ علي السرياطي: oui
4ـ عون موزع الهاتف: تفضلو
5ـ علي السرياطي: أهلا
6 ـ الجنرال العجيمي: oui mon général
7 ـ، علي السرياطي: باهي les hélicoptères هاك normalement
8ـ الجنرال العجيمي: إيه نعم
9 ـ علي السرياطي: نورمالمون معناها opérationel ما هك وإلا لا..
10ـ الجنرال العجيمي: أيه
11ـ علي السرياطي: قداش عنا غادي؟
12 ـ الجنرال العجيمي: non général عدنا 3
13ـ علي السرياطي: هذا هو باهي
14ـ الجنرال العجيمي: كون متهني
15ـ علي السرياطي: واضح..
16 ـ الجنرال العجيمي: تبقينا فما زوز نبعث نجيب بيهم GFS للعوينة غادي
17 ـ علي السرياطي: شنوة هذي
18 ـ الجنرال العجيمي: نجيبو forces spéciales من الرمادية للعوينة
19 ـ علي السرياطي: إيه
20 ـ الجنرال العجيمي: mais
rapide ça ne prendra plus que 3 quarts d'heures
21 ـ علي السرياطي: أه باهي
22ـ الجنرال العجيمي: للعزيز معناها
 23ـ علي السرياطي: أي اما لخرى هذيك متاعنا لكبيرة تقعد
24 ـ الجنرال العجيمي: أي bien sur لا لا هذيكا intouchable
25ـ علي السرياطي: واضح
 26ـ الجنرال العجيمي: لا لا كون متهني
27ـ علي السرياطي: باهي واضح
 28ـ الجنرال العجيمي: اتفضل اتفضل احتراماتي
 29ـ علي السرياطي: موش عنا اثنين وقتها موش عنا اثنين
30ـ الجنرال العجيمي: إيه عنا
31ـ علي السرياطي: داكوردو... أيا
 32ـ الجنرال العجيمي: تفضل
33ـ علي السرياطي: خلينا لثنين متاعنا ودبر راسك
34ـ الجنرال العجيمي: حاضر باش ..حاضر باش
35ـ علي السرياطي : واضح واضح
36ـ الجنرال العجيمي: تفضلو
37 ـ علي السرياطي: merci

 

مكالمة هاتفية بين الجنرالين السرياطي والعجيمي: (14 جانفي 2011 الساعة16:24-16:26)
1 ـ علي السرياطي: وي
2 ـ الجنرال العجيمي: oui
3 ـ علي السرياطي: أهلا
4 ـ الجنرال العجيمي: oui mon général
5ـ علي السرياطي:اسمع
6ـ الجنرال العجيمي: إيه نعم
7ـ صوت ثالث للرئيس السابق زين العابدين بن علي: عيط لمحسن يا...
8ـ علي السرياطي: شسمُو، لا إلا إلا الله محمد رسول الله
9ـ الجنرال العجيمي: إيه
10ـ علي السرياطي: اسمعني
11 ـ الجنرال العجيمي: hélicoptères
12 ـ علـــــي السرياطـــــــي: لا موش علــــى الـ hélicoptères توة عنا الطيارة الرئاسية
13ـ الجنرال العجيمي: إيه
14ـ علي السرياطي: ما هي هي... باش نستعملوها حاشتنا بيها
 15ـ الجنرال العجيمي: إيه
16 ـ علي السرياطي: donc خلاها.. ماي جايا قريبة من المطار باش نعملو départ من غادي
17ـ الجنرال العجيمي: إيه مرحبا
18ـ علي السرياطي: بالضبط كلم الجماعة
19ـ الجنرال العجيمي: حاضر
20ـ علي السرياطي: هاني ماشي.. لا لا باش نمشي انا وبعض الخدمات معايا
 21ـ الجنرال العجيمي: حاضر
 22ـ علي السرياطي: داكوردو
23 ـ الجنرال العجيمي: حاضر.. اللي عنا في hangar متاعنا
24 ـ علي السرياطي: أي اللي عنا في hangar متاعنا
25ـ الجنرال العجيمي: أي بالضبط كل شيء حاضر
 26ـ علي السرياطي: وصي الباب على الدخول للباب وأكا لحكايات..
27ـ الجنرال العجيمي: إيه إيه كون متهني
28ـ علي السرياطي: أه
29ـ الجنرال العجيمي: تفضّل
30ـ علي السّرياطي: باهي باهي..

مكالمة هاتفية بين لمجد ورياض: (14 جانفي 2011 الساعة 16:24-16:25)
1 ـ لمجد: oui سي رياض
2 ـ رياض: oui oui يا لمجد
3ـ لمجد: أه سي رياض
 4ـ رياض: الظرف وين اهزوه
 5ـ لمجد: يعطوه لحسام
 6ـ رياض: لشكون باش تعطيه
 7ـ لمجد: لحسام الطرابلسي
8ـ رياض: وين حسام الطرابلسي
 9ـ لمجد: هوكا ابعثت مع الشوفير الي هزّهم
 10ـ رياض: هاو الشوفاير مدهولي لي انا لشكون باش تعطيه.. وين وين حسام الطرابلسي
11ـ لمجد: ها هوكا مشا في اتجاه المطار.. نسق مع سي زياد بلغيث
 12ـ رياض: جاي مع شكون
13ـ لمجد: مع سي زياد بلغيث
 14ـ رياض: بر هزّو للمطار.. هزّو بحذا سي زهير البياتي
 15ـ لمجد: واضح
 16ـ رياض: داكوردو

(14 جانفي 2011 الساعة 16:24-16:26)
1ـ صوت: آش مزال توّا
 2ـ الرئيس السابق زين العابدين بن علي: المطار هوكم باش يبعدُو
 3ـ علي السرياطي: غادي إيه
4 ـ الرئيس السابق زين العابدين بن علي: préts à l'aéroport
5 ـ علي السرياطي: voilà داكوردُو.. أحنا توّا مدام منظمين نمشيو ندخلو للقزرنة متاع l'arrivée ومن فمّيكا نركبُو في الطيارة
6ـ الرئيس السابق زين العابدين بن علي: هي غادي
7 ـ علي السرياطي: إي غادي.. هي المفروض يمشيول dépôt متاعها غادي
8ـ الرئيس السابق زين العابدين بن علي: أي مالا نميشو
 9ـ علي السرياطي: علاش ماشين لغادي
10ـ الرئيس السابق زين العابدين بن علي: باهي
11 ـ علي السرياطي: فهمت oui
12 ـ عون الموزع: général لعجيمي سيدي
13 ـ الجنرال العجيمي: oui mon général
14ـ علي السرياطي: اسمع
 15ـ الجنرال العجيمي:ايه نعم
 16ـ صوت ثالث للرئيس السابق زين العابدين بن علي : عيط لمحسن يا...//
 17ـ علي السرياطي: شسمُو، لا اله الا الله محمد رسول الله
 18ـ الجنرال العجيمي: ايه
 19ـ علي السرياطي : اسمعني
20 ـ الجنرال العجيمي: l'hélicoptère
21 ـ علي السرياطي: لا موش على الـ l'hélicoptère، توا عنا الطيارة الرئاسية
22ـ الجنرال العجيمي: ايه
23ـ علي السرياطي: ما هي هي ، باش نستعملوها حاشتنا بيها
 24ـ الجنرال العجيمي: ايه
25 ـ علي السرياطي: donc خلاها ماي جايا قريبة من المطار باش نعملو الديبار من غادي
26ـ الجنرال العجيمي: ايه مرحبا
 27ـ علي السرياطي: بالضبط كلم الجماعة
28ـ الجنرال العجيمي:حاضر
 29ـ علي السرياطي: هاني ماشي لا لا باش نمشي انا وبعض الخدمات معايا
 30ـ الجنرال العجيمي: حاضر
 31ـ علي السرياطي: داكوردو
32 ـ الجنرال العجيمي: حاضر.. اللي عنا في hangar متاعنا
33 ـ علي السرياطي: إي اللي عنا في hangar متاعنا
34ـ الجنرال العجيمي: أي بالضبط كل شيء حاضر
 35ـ علي السرياطي: وصي الباب على الدخول للباب واكا لحكايات..
 36ـ الجنرال العجيمي: ايه ايه كون متهني
37ـ علي السرياطي: أه
38ـ الجنرال العجيمي: تفضل
 39ـ علي السرياطي: باهي باهي...

 مكالمة هاتفية بين مخاطب وعلي السرياطي: (16:28-16:28)
1 ـ المخاطب: ألو هام حاضرين سيدي المدير العام.. وين انهزهم les passeports
2ـ علي السرياطي: ساعة اعطيني البسبور متاعي انا ومتاع سي محسن
3 ـ المخاطب: الله بارك tout de suite
4ـ علي السرياطي: فيسع فيسع.
 
ما قبل المكالمة: (14 جانفي 2011 الساعة 16:30-16:31)
يسخايبوه معاهم ولا كذا.. قتلو ايه خليه بربي.. فكع لينا لا قالي قتلو خليها.. إيا أمشي.. سيدي سي فوزي درويش.. لا أخذا لي Aèroport باش ما يخليوش العائلة تمشي خاطر يشدهم باش يتحاكمُو.. فهمت
** مكالمة هاتفية بين السرياطي وفوزي درويش:
1 ـ علي السرياطي: oui هات فيسع(...)
2ـ فوزي الدرويش: احتراماي سيدي المدير العام، ثمة امراة من مارث اسمها امال(ع) موجودة في المنطقة قالت عندي مانقول باش تهدى الأمور
 3ـ علي السرياطي: هي تروّح(..) بربي قيلنا، افهم يا فوزي فمّة امور خطيرة ..خطيرة جدا توّا قاعدة تاقع خطيرة جدا.. فما عباد ولاو ضدّنا كانوا معانا ولاو ضدّنا
4ـ فوزي درويش: أي هذي المشكلة
 5ـ علي السرياطي: اه ملا شنوة
 6ـ فوزي درويش: واضح
7ـ علي السرياطي: ألو
 
إلياس الزلاق يتلقى مكالمة عن طريق موزع الهاتف من المدير العام لأمن رئيس الدولة السابق والشخصيات الرسمية علي السرياطي: (14 جانفي 2011 الساعة 16:35-16:37)
1ـ موزع الهاتف: سي الياس سيد المدير العام
2ـ الياس: هات أي
 3ـ موسيقى الموزع
4ـ علي السرياطي: هيا الياس
5ـ الياس: احتراماتي
6 ـ علي السرياطي: هيا تخرج معانا هنا باش نمشيو للمطار العسكري ok وينك إنتي؟
7 ـ إلياس: انا توّا في falaise فما عباد جايين
8 ـ علي السرياطي: اقعد غادي اقعد غادي اقعد غادي.. باهي أقعد أقعد ça va
 
مكالمة هاتفية بين رئيس مركز ومحمد الساحلي: (14 جانفي 2011 الساعة 16:42-16:43)
1ـ عون القاعة : أي سي محمد
 2ـ محمد الساحلي: لا باس خويا
 3ـ عون القاعة: اه بابا لا باس انتوما غادي
 4ـ محمد الساحلي: لا باس.. لاباس انتوما غادي
5ـ عون القاعة: لاباس
6ـ محمد الساحلي: عديلي رئيس المركز
 7ـ عون القاعة: هيا هيا
 8ـ رئيس المركز: ألو
9ـ محمد الساحلي: ألو الله يعين خويا
10 ـ رئيس المركز: oui تسمع فيا
 11ـ محمد الساحلي: محمد الساحلي معاك
12 ـ رئيس المركز: oui سي محمد
13ـ محمد الساحلي: هنا نحنا على مستوى المعلقة 1 والحالة عادية فهمت حبيت نسهل أشنية حكاية الطيارة هذي
 14ـ رئيس المركز: الطيارة......إم سي محمد لاباس انتي
15 ـ محمد الساحلي: oui لاباس
16ـ رئيس المركز: سايسو رواحكم سايس رواحكم
 17ـ محمد الساحلي: أه
 18ـ رئيس المركز: سايسو رواحكم
19ـ محمد الساحلي: على خاطر ثم ميليتير

 

◗ صابرالمكشر

إضافة تعليق جديد