تغريدة - الصباح | Assabah
المـــؤســـس : الحــبـيـب شــيـخ روحه - الأحد 31 ماي 2020

تابعونا على

May.
31
2020

تغريدة

الاثنين 30 أفريل 2018
نسخة للطباعة

الترجي بطل للموسم الثاني على التوالي: الترجي قوي أم البقية ضعاف؟
آش جاب بنت الاكابر لولد صلاّح الكناتر.. البخيل ما تناديه.. واللي باع ما تشريه.. السعد في الزين ويا سعد اللي حازهم الاثنين.. عيش قبيح.. الفعل الباهي راح مع جدي المليح.. واللي يستانس بعشاك وين يراك يجوع
دوري في كل البلاد ولا تاخذي واحد عندو أولاد.. ثلاثة يطيحو ثلاثة: الثلج يطيح لجبال. الجرب يطيح لجمال. والفقر يطيح الرجال.. خاطرك كيف جملك وين تبركو يبرك.. يا بغل شكون بوك. قال الحصان خالي.. سويرح  بقر لا يهز خبر ولا يجيب خبر
اكثرهم لاعبي الشبيبة: الاضراب عن التمارين: منا حامية ومنا تكوي !
وقفة الزنقة بالهارب.. افادي قبل اولادي.. الروس سبعة والاحباب ثمنية.. كي الجرو  كسكلو يتبعك قالوا للكلب شبيك تنبح قال نخوف، قالولو شبيك تهز في ذيلك قال من الخوف.. كلاتها الذيبة ووحلت في الذيب
اللي ياكل لقمة اكبر من فمو يغص فيها.. ضبع الهراش وبايت بلاش.. المال وسيلة وهم القلوب نديب.. في زمان النعجة عاشقة في الذيب.. اذا نزلت في منازل الكفر اعمل اخلاقك وسيعة اذا رحلت ارحل ارض الله وسيعة.. واللي يتبع سلاسل الفقر كبوس راسا يبيعا
بطولة الرابطة 3، فركة وعود حطب.. على توش تتحرب وعلى كرنار الدم للركب
السلعة البايرة تقول استنيني حتى يجي الغافل ويشريني.. السارح والخماس يتعاركوا على متاع الناس.. اللي لقى راحتو في الهبال ماعندو ما يعمل بالعقل.. من قلة الخيل ربطنا على الكلاب سروج.. كان الرجلة بالصوت العالي راهو الكلب سيد الرجال
لشكون تحرقس يا مرات الاعمى.. لا ينفع في البايد ترقيع ولا ينفع في الخرشي تتبيع.. نوازي في الوز وفي الوز ما لقيت ما نوازي.. يا لحيتي تستاهل الزز من خلطتي في الكوازي.. واحد مصرانتو تدلدل ولاخر يقول هات نشويها
الرابطة 2: الهمهاما اول العائدين.. وسخونة تولع بين قفصة والشابة وتطاوين
اللي حج حج واللي عوق عوق.. وذارعك يا علاف.. خوذ بايك من الأول حتى كان ضرب العصى.. ياكل لين تمرار.. ويرقد لين يطلع النهار..
الرخيس ما يولي غالي.. لرخة دريدية والثور جبالي وآش ينبت الحلاب مع الجداري.. غربل غربل وما بقى كان الغربال.. جبت اولادي زادوني تنكاد على تنكاد.. اذا كانوا الأولاد الكل كيف اولادي الله يعطي للعقار أولاد.

 

المنجي الحكيري
 

إضافة تعليق جديد